Тәрбие жұмысының І оқу тоқсанына есеп

2021-2022 оқу жылында М.Әубәкіров атындағы орта мектебі бойынша тәрбие саласында жылдық  талдауы

М.Әубәкіров атындағы орта мектебінің тәрбие жұмысында ҚР Білім туралы Заңы, Қазақстан Балалары бағдарламасы, ҚР Бала құқықтары туралы Заңы, Білім және Ғылым Министрлігінің «Қазақстан  Республикасы  үздіксіз   білім  беру  жүйесіндегі   тәрбие  тұжырымдамасы» басшылыққа алынған.

Мектеп директорының  «Сынып жетекшілерін тағайындау туралы» 01.09.2020 жылғы    № 78-ө  бұйрығы негізінде   2021 жылдың   01  қыркүйегінен бастап  төмендегі мұғалімдер сынып жетекшілер  болып тағайындалды. 

2021-2022 оқу жылына тәрбие  жұмысының мақсаты:

• Оқушылардың жалпы дамуын, мәдени  дағдыларын   игерту  нәтижесінде коммуникативті  мәдениетін қалыптастыру. Жеке  тұлғаны әлеуметтік  мәнді,   жеке  қасиеттерін  қалыптастыра   отырып,  нәтижеге  бағытталған   тәрбие  беру.

Келелі мәселесі:

• «Мәңгілік Ел» жалпыұлттық идеясы аясында жеке тұлғаны әлеуметтік мәнді, жеке қасиеттерін жан-жақты қалыптастыра отырып, нәтижеге бағытталған тәрбие беру» 

Тәрбие саласының 2021-2022 оқу жылына міндеттері:

• Сынып жетекшілер бірлестігі әдістемелік кеңес қызметінің мазмұнын жаңғырту. 
• Жаңа жүйе бағдарламасы негізінде сынып жетекшілік курстан өтіп сертификатталған  мұғалімдердің теориялық және тәжірибелік түрде озат тәжірибелерін  жинақтау, насихаттау және тарату. 
• Жаңартылған білім мазмұны бойынша өткізілген біліктілікті арттыру курстарынан сынып жетекшілерді толықтай қамту
• Педагогтарға курстан кейінгі қолдау көрсету бағытында мұғалімдердің кәсіби дағдыларын жетілдіру, мектеп тәжірибесін жақсартуда әдістемелік қызметті белсендіру.
• Жас маман мен тәлімгер жұмысын жандандыру.
• Ата-аналар кеңесі, қамқоршылық кеңесімен біріккен тәрбиелілік   іс-шаралар ұйымдастыру (ашық есік   күні, әкелер мектебі, аналар мектебімен іс-шаралар)

Осы міндеттерді жүзеге асыруда Қазақстан Республикасы Үкіметінің 2019 жылғы 27 желтоқсандағы №988 қаулысымен бекітілген Қазақстан Республикасында білім беруді және ғылымды дамытудың 2020 – 2025 жылдарға арналған мемлекеттік бағдарламасы; Қазақстан Республикасы Білім және ғылым министрлігінің 2019 жылғы 15 сәуірдегі №145 бұйрығымен бекітілген «Рухани жаңғыру» бағдарламасын іске асыру жағдайындағы Тәрбиенің тұжырымдамалық негіздерін негізге алына отырып, Қазақстан Республикасы Білім және ғылым министрінің 2020 жылғы 6 сәуірдегі № 130 бұйрығының 10 қосымшасына сәйкес үлгіде мектептің тәрбие саласы бойынша жылдық тәрбие жоспары жасалды.  

2021-2022 оқу жылындағы тәрбие жоспарының ерекшелігі «Құндылықтарға негізделген білім беру» бағдарламасын жүзеге асыру арқылы оқытудың құндылықты-бағдарлық тәсілі енгізілді. Бұл бағдарлама білім алушылардың бойында жалпыадамзаттық, ұлттық және отбасылық құндылықтарды дамытуға, олардың рухани-адамгершілік дамуын қамтамасыз етуге, экологиялық мәдениетін, салауатты және қауіпсіз өмір салтын қалыптастыруға бағытталған.

Мектеп бойынша 16 сынып. Сынып жетекшілер Қазақстан Республикасы Білім және ғылым министрінің 2020 жылғы 6 сәуірдегі № 130 бұйрығының 10 қосымшасына сәйкес үлгіде сыныппен атқарылатын жылдық тәрбие жоспарын  жасап, мектеп директорымен бекітіп, жүйелі жұмыс жүргізуде. Әр аптаның дүйсенбі күнгі 1 сабағында 1-4 сыныптар және 5-11 сыныптар тәрбие сағаттарын жылдық жоспарына сәйкес  өткізуде. 

2021-2022 оқу жылында ӘНХ негізінде мектебімізде мынадай жобалар іске асырылатын болып, іс-шаралар жоспары құрылды:

1. «Мектептің өзін-өзі басқаруы» жобасы, жетекшісі педагог ұйымдастырушы Ш.Б.Оралханов
2. «Дебат» қозғалысы  жобасы , жетекшісі педагог ұйымдастырушы Ш.Б.Оралханов, тарих пәнінің мұғалімі Г.Қ.Байкелова
3. «Оқуға құштар мектеп» жобасы , жетекшісі мектеп кітапханашысы Ж.Х.Назарова
4. «Отбасы – мектеп» жетекшісі директордың тәрбие ісі жөніндегі орынбасары Е.Ш.Окпебаев 
5.  «Құқықтық сана – қауымға пана» жобасы, жетекшісі педагог ұйымдастырушы Ш.Б.Оралханов 
6. «Дәстүр мен ғұрып» жобасы , жетекшісі директордың тәрбие ісі жөніндегі орынбасары Е.Ш.Окпебаев 
7. «Еңбек – елдің мұраты» жобасы, жетекшісі педагог ұйымдастырушы Ш.Б.Оралханов
8. «Үнем – қоғам қуаты» жобасы,жетекшісі  әлеуметтік педагог А.М.Мұсанов
9. «Ерте жастан басталатын экологиялық мәдениет»
10. «Қоғамға қызмет» әлеуметтік еріктілер жобасы,  жетекшісі директордың тәрбие ісі жөніндегі орынбасары Е.Ш.Окпебаев 
11. «Музей сабақтары» жобасы , жетекшісі қазақ тілі мен әдебиеті пәні мұғалімі Г.Е.Шинадилова
12. «Театр сабақтары» жобасы, жетекшісі қазақ тілі мен әдебиеті пәні мұғалімі Н.Қабдығалиева
13. ИНКЛЮЗИВТІ МӘДЕНИЕТ «100 жаңа есімі» жобасы, жетекшісі  мектеп психологы Н.Н.Байбатшанова 

Мектепте және мектеп жанындағы интернат тәрбиеленушілерімен атқарылатын тәрбиелік іс-шаралар  8 бағыт бойынша жоспарланып  жүргізіді.

Атап айтқанда, 1 оқу тоқсанында: 

Тәрбиенің басым бағыттары бойынша атқарылған  іс-шаралар:

1. Бағыты: жаңа қазақстандық патриотизм мен азаматтықты тәрбиелеу, құқықтық тәрбие.

Қазақстан Республикасы Білім және ғылым министрлігі оқушылардың, педагогтердің және ата-аналардың өмірі мен денсаулығын сақтауды қамтамасыз ету, сондай-ақ коронавирустық инфекцияның таралуының алдын алу мақсатында  1-қыркүйек Білім күні және жаңа 2021-2022 оқу жылының басталуына арналған салтанатты іс-шара 1 сынып және оның ата-аналарымен санитарлық талаптарды сақтай отырып өткізілді. Салтатантты жиынды өткізу жоспары жасалып, мектеп директорымен бекітілді. 

Оқушылар мен олардың ата-аналарына Білім күнін өткізудің форматы және санитарлық қауіпсіздік шаралары туралы ақпараттар алдын-ала онлайн жүйесі арқылы жеткізілді. Білім күні мерекесіне байланысты көрнекі сөздер, декорация, вильбордтар жасалып ілініп, мектеп ауласы шөптен тазартылып жолақтар сызылды.  

Сонымен қатар, 1 сынып оқушыларымен 1 қыркүйек Білім күніне байланысты «Кел, балалар, оқылық» салтанатты жиынның өтетін орнын дайындау, безендіру жұмыстары коронавирустық инфекцияның таралуының алдын алуға байланысты шектеулер ескеріліп, дәстүрлі түрде «Кел, балалар, оқылық» тақырыбында сценарийі жасалып, 1 сынып жетекшісі Ж.Ж.Айдаболов 19 оқушы және ата-аналарымен   сағат  9.30 да қатаң санитарлық талаптарды сақтай отырып салтанатты жиын өткізілді. 

Салтанатты жиын мектебіміздің директоры Нусупова Гүлнар Қасымбайқызының құттықтау лебізімен басталды. Нусупова Гүлнар Қасымбайқызы сөз соңында 1 сынып оқушыларына Ахмет Байтұрсыновтың әдістемесі негізінде әзірленген «Әліппе» оқулықтарын салтанаттты түрде табыс етті.

Келесі кезекте ауданнан бөлінген өкіл, Екпінді ауылдық округінің әкімі Қыстаубаев Әділхан Кәкенұлы және мектебіміздің Қамқоршылық кеңесінің төрағасы Баядилов Қазығұл Бекжанұлы да құттықтау сөз сөйлеп, мектеп ұжымы мен осы жылы мектеп табалдырығын алғаш аттаған бүлдіршіндерге жаңа 2021-2022 оқу жылымен құттықтап, «Ақ жол!» тіледі.

Ал, қалған 2-11сыныптар үшін сынып жетекшілер өз пән бөлмелерінде «Тәуелсіздік   жетістіктері» тақырыбындағы  сынып сағаттарын мектеп әкімшілігі тарапынан бөлінген пән мұғалімдерімен бірлесе отырып өткізді.  Сынып сағаттары қолжетімді құрылғылар мен әртүрлі әдіс тәсілдер арқылы ұйымдастырылып өткізілді.

Сынып сағаттары соңында сынып жетекшілер оқушыларға денсаулықты сақтай отыра, білімнен қол үзбеуге, тәрбиелі болуына, әлеуеттенуіне, күнделікті оқу режимін сақтауға, жеке бас гигиенасы талаптарын қатаң ұстануға бағытталған түсіндірме жұмыстарында жүргізді. 

2021-2022 оқу жылында Аудандық білім бөлімінің 2020 жылғы жұмыс жоспарының негізінде және 15.09.2021 ж №383-ө бұйрығы негізінде, мектеп директорының   16.09.2021 жылғы № 139-ө бұйрығы шығарылып, бұйрық негізінде мектепте мемлекеттік рәміздерді құрметтеу, насихаттауға және дұрыс қолдануға бейімдеу, патриоттық, отансүйгіштік сезімдерді нығайту мақсатында 21 қыркүйек пен 21 қазан аралығында «Мемлекеттік рәміздер – ұлттық мақтанышымыз»  тақырыбында айлықтың  іс-шаралар жоспары құрылып, бекітілді. 

Айлық барысында жүргізілген іс-шаралардың қорытындысы және айлықты ұйымдастыру және дұрыс жүргізілуіне бақылау жасау мектеп директорының орынбасары Е.Ш.Окпебаевқа және педагог  ұйымдастырушы Ш.Б.Оралхановқа жүктелінді.

21 қыркүйектен 27 қыркүйек күндері аралығында Мемлекеттік стандарттарға сәйкес келмейтін Мемлекеттік Рәміздерді және олардың бейнесі бейнеленген көрнекіліктерді ауыстыру, сынып бұрыштарын жасау мақсатында  сынып бөлмелеріне тексеру  рейдтары жүргізіліп, ауыстыру жұмыстары жүргізілді. Мектептің қазақ тілі кабинеттері, жетекшілері Н.Қабдығалиева мен Г.Е.Шинадилова,  АӘД пәні кабинеті, жетекшісі Т.Ж.Қасымбеков, тарих пәні кабинеті, жетекшісі Тоқтахметова , мектеп кітапханашысы Ж.Х.Назарововалар кабинеттеріндегі ескірген Рәміздерді насихаттау стенділерін ауыстырып, талапқа сай лицензиясы бар стендтармен жаңарту жұмыстарын жүргізді.  

20 қыркүйек күні «Мемлекеттік рәміздер-ұлттық мақтанышымыз » тақырбында өткізілетін айлықтың іс-шара жоспарын бекітіліп, айлықтың жоспарымен мектеп оқушылары   таныстырылды.

27 қыркүйек күні 1-4 сынып аралығында «Рәміздерім – айбыным» тақырыбында тәрбие сағаттары өткізілді. 

11 қазан күні 5-9 сынып аралығында «Тәуелсіз Қазақстанның мемлекеттік рәміздері және оны құрметтеу» тақырыбында тәрбие сағаттары өткізілді. 

18 қазан күні 10-11 сынып аралығында «Мемлекеттік рәміздер – мақтанышым» тақырыбында тәрбие сағаттары өткізіліп, өткізілген іс-шаралар жайында мәліметті интернет желілеріне жүктелінді.

11 қазан күні қазақ тілі мен әдебиеті пәні мұғалімдері Г.Е.Шинадилова, Л.Абилкайр, Н.Қабдығалиевалар «Мемлекеттік Рәміздер-ұлт мақтанышы»  тақырыбында 8-9 сынып оқушыларының арасында сырттай мектепішілік шығарма байқауын ұйымдастырды. 

Айлық аясында мектеп  кітапханасында мектеп кітапханашысы Ж.Х.Назарова  мемлекеттік рәміздерге арналған «Рәміздер – тәуелсіздік тұмары» тақырыбында тақырыптық көрмелер ұйымдастырды. 

11 қазан - 21қазан күндері аралығында сынып жетекшілер  «Қазақстан Республикасының мемлекеттік рәміздері» тақырыбында  сауалнама, тестілеу жүргізіліп, қорытындысы шығарылды.

2 бағыты: рухани-адамгершілік тәрбие. 

Мектебіміздің жылдық жоспары негізінде «Қоғамға қызмет» әлеуметтік еріктілер жобасы аясында«Мектепке жол» қамқорлық акциясы өткізілді. Бұл акция аясында оқушылардың оқуға дайындығын бақылау, демеушілік көмектер ұйымдастырылды.

М.Әубәкіров атындағы орта мектебінде аудандық бекітілген екі демеуші аудан әкімі Абдинов Алмас Сапарғалиұлы 4 оқушыға 160 000 теңгеге,  мектеп директоры Нусупова Гульнар Қасымбайқызы 1 оқушыны 30 000 теңгеге көмек көрсетті. Аудандық бекітілген демеушілер тарапынан 190 000 теңгеге көмек көрсетілді. 

Ауылдық демеушілер: 

1. Екпінді ауылдық округ әкімі Қыстаубаев Әділхан Кәкенұлы 1 оқушыны 20 000 теңгеге;
2. Шағын кәсіпкер Шатанова Әміргүлсім 1 оқушыны 35 900 теңгеге;
3. "Архарлы Майбүйрек"  ЖШС-нің төрағасы Майқынов Ермек Серікбайұлы 1 оқушыны  40 000 теңгеге;
4. Шағын кәсіпкер Балабаева Нүптихан Жүмекеқызы 1 оқушыны 15 000 теңгеге киіндіріп,  оқу құралдарымен қамтамасыз етті.  
5. Шағын кәсіпкер, мектеп ұстазы Төреханова Айгүл Әуелханқызы 1 оқушыны 20 000 теңгеге киіндіріп, оқу құрал жабдықтарын әперді.
6. Шағын кәсіпкер, Жақсылықова Қаламқас 1 оқушыны 10 000 теңгеге киіндіріп, оқу құрал жабдықтарын әперді.
7. Шағын кәсіпкер, Тоқтахметов Қайрат  1 оқушыны 35 000 теңгеге киіндіріп, оқу құрал жабдықтарын әперді.
8. Шағын кәсіпкер, Қарайтов Жеңіс  1 оқушыны 15 000 теңгеге киіндіріп, оқу құрал жабдықтарын әперді.
9. Мектеп мұғалімі Мұсанов Айбек Манарбекұлы  1 оқушыны 15 000 теңгеге киіндіріп, костюм шалбар әперді. 
10. Ауылымыздың азаматы Қажынов Ерлан мен жұбайы , мектебіміздің ұстазы болған Мырзаханова Зәурештің отбасы атынан 5 оқушыға 150 000 теңге көлемінде қыстық аяқ киім мен қыстық куртка  берілді. 
11. Мектеп мұғалімі Көшкімбаев Мақсат жартылай асыраушысы жоқ, көп балалы 3 отбасыға 7 қап картоп таратып, 42 000 теңге көлемінде  заттай көмек көрсетті. 

Мектеп бойынша бүгінгі күнге дейін 20 отбасынан 20 оқушыға 606 900 теңге  көлемінде материалдық көмек көрсетілді.

«Оқуға құштар мектеп» жобасы аясында оқушылардың кітап оқуға деген қызығушылықты арттыру және оны қолдау, кітап мәртебесін («Кітап оқу – сән») арттыру мақсатында білім алушылар арасында мектеп кітапханашысы , жоба жетекшісі Ж.Х.Назарова сынып жетекшілермен бірлесе жоспар жасап, әр аптаның дүйсенбі күндері сыныптың тәрбие сағаттарында  «Кітап оқу-сән» 10 минуттық үгіт насихат, мектеп кітапханасындағы жаңа оқулықтармен таныстырылым жүргізді. Мектеп дәлізінде үлкен үзілістерде кітап оқуды ұйымдастыру  үшін «Буккроссинг» бұрышын ұйымдастырды.  Атқарылған шаралар жайлы мәлімет  интернет желілеріне жүктелінді 

Алакөл  аудандық  білім   бөлімінің  27.09.2021  жылғы   №403-Ө  бұйрығы негізінде мектеп директорының   27.09.2021 жылы №140-ө  «Қарттар  күні   мен  мүмкіндігі  шектеулі   азаматтардың  онкүндігін өткізу туралы»  бұйрығы шығарылып, бұйрық негізінде іс-шара жоспарлары жасалынып, бекітілді.   Қарттар мен мүгедектер күніне орай «Қарттарым - асыл қазынам» тақырыбында акциясы ұйымдастырылды. 

«Қарттарым-асыл қазынам» акциясы аясында мектеп оқушыларынан құрылған жасақтар арқылы қарттар мен мүмкіншілігі шектеулі азаматтардың үй шаруашылығына көмектесу жұмыстарын ұйымдастыру барысында мүмкіндігі шектеулі   Жазыбаев Беріктің үйіне барып,  бау-бақшаларын жинасу, отын, мал азығын дайындауға көмек көрсету жұмыстары ұйымдастырылды. 

Жалғызбасты зейнеткер Қалабаев Тұранның үйіне 9 сынып оқушыларынан құрылған еріктілер тобының ұйымдастыруымен қыстық отынын кіргізу жұмыстары жасалынды. 

1-9 қазан күндері аралығында қарттар күні мен мүмкіндігі шектеулі азаматтардың онкүндігін  аясында «Қариялы ел-қазыналы ел» тақырыбында 1-11 сыныптар аралығында тәрбие сағаттары қолжетімді құрылғылар мен әртүрлі байланыс құралдары арқылы ұйымдастырылып өткізілді. 

Онкүндік аясында мектебіміздің музыка пәні мұғалімі Н.С.Дуйсебаева мен ауылдық мәдениет үйінің директоры М.К.Ораловтың жетекшілігімен «Қарттарым-асыл қазынам» мерекелік онлайн концерт ұйымдастырылып қарт ұстаздармен ауыл ватсабына жүктелінді. Онлайн концертпен құтықтауларға ауыл жұртшылығы өз ризашылықтарын білдірді.

Онкүндік барысында дене шынықтыру пәні мұғалімдерінің ұйымдастыруымен «Қарттарым-асыл қазынам» тақырыбында қарт ұстаздармен шахмат, дойбы түрлерінен спорттық іс-шаралар өткізілді.  

1-9 қазан күндері аралығында қарттар күні мен мүмкіндігі шектеулі азаматтардың онкүндігі уақтылы өз дәрежесінде атқарылып,  қорытындысы шығарылды және әлеуметтік желілерге уақытында жүктелінді.

• бағыты: ұлттық тәрбие.

Ұлттық тәрбие аясында жаңа оқу жылында білім алушылардың бойына ұлттық құндылықтарды дарыту мақсатында цифрлық дәуір ерекшеліктерімен байланыстыра отырып «Дәстүр мен ғұрып» жобасы іске асырылуда. Осы мақсатта мектебіміздегі «Қызғалдақ» қыздар , «Азамат» ұлдар ұйымының қазан   айының -5-і күні «Ұл тәрбиелей отырып,халықты тәрбиелейміз,қыз тәрбиелей отырып,ұлт тәрбиелейміз.» тақырыбында 5-11 сыныптар арасында әңгіме, сұхбат өткізілді. 

• бағыты: Отбасылық тәрбие

Қазақстан Республикасы Білім және ғылым министрлігінің 2017 жылғы 11 шілдедегі №324 бұйрығы, мектептің оқу-тәрбие жұмысының 2021-2022 оқу жылына арналған жылдық жұмыс жоспары, мектеп директорының 01.09.2021 жылғы №122-1-ө бұйрығы негізінде  2021 жылдың 15 тамызынан 15-қыркүйекке дейін Жалпыға бірдей міндетті білім беру айлығының іс-шарасы жасалынып, жұмыстар атқарылуда. 

2021-2022 оқу жылының ұйымдастырушылық - тәжірибелік шараларының кешенді жоспарына сәйкес, оқушылардың сабаққа толық қатысулары қамтамасыз ету, кәмелеттік жасы толмағандар ісі жөніндегі бөлімдермен бірлесіп оқушылардың оқудан бұлтару деректерінің алдын-алу жұмыстары жүргізілді.

Мектебімізде МАД және 1 сыныптар және 2-11 сынып оқушылары мектепте   штаттық режим бойынша оқуда.  

Мектепке қарасты ауыл аумағындағы 0-18 жасқа дейінгі балалар есепке алынып, тізімі анықталды. М.Әубәкіров атындағы орта мектебіне қарасты Екпінді ауылының аумағында және мектептің жанындағы интернатта тұратын оқушыларды қосқанда 0 жаспен 18 жасқа дейінгі балалардың тізімі Екпінді ауылы бойынша 347. 

•      -   мектеп жасындағы оқушылардың сабаққа қатысуына күнделікті талдау жасалынды;
•      - ата-анасының қамқорлығынсыз қалған балаларды және көп балалы, аз қамтылған отбасы балаларын анықтау, рейд өткізу,тұрмыстық жағдайларын бақылау жұмыстары жүргізілді. Осы жұмыстар нәтижесінде мектептің әлеуметтік картасы жасалынды. Мектепте көп балалы отбасы -49, ондағы оқушыар саны – 119, аз қамтылған отбасы – 5, ондағы оқушылар саны – 5, жартылай асыраушысы жоқ отбасы – 13, ондағы оқушылар саны – 20, ата-апасының , туысқандарының тәрбиесіндегі отбасы – 14, ондағы  оқушылар саны – 16, өгей әке тәрбиесіндегі  отбасы – 5, ондағы оқушылар саны - 6  ,өгей шеше тәрбиесіндегі отбасы саны – 1, ондағы оқушы саны – 1.
•      - жалпыға бірдей білім беру қоры қаржысын мақсатты жұмсау қамтамасыз етілді. 40 оқушы 2021 жылдың қаңтар айында анықталынып, ата-аналары тарапынан аудандық ББ-не өтініштері өткізілген. Материалдық көмектер (оқу құралдары, күздік аяқ киім, ақ блузка, көйлек) көрсетілді.  Енді қыстық аяқ киім мен курткаға сұраныс берілді. 
•      - оқушыларды ыстық тамақ және қоғамдық тамақтандырумен қамтамасыз ету жөнінде шұғыл шаралар қолданылды; көп балалы, әлеуметтік түрмысы нашар отбасы мен ата-аналар қамқорлығынсыз қалған  бастауыш сынып оқушыларына ерекше көңіл аударылды. Мектеп бойынша 2021 жылдың қаңтар айынан ЖБМОББ қоры қаражатын игеру мақсатында әлеуметтік жағдайы төмен, аз қамтылған, көп балалы отбасы балаларынан 55 оқушы ыстық тамақпен қамтылатын   оқушылар тізіміне енгізіліп, тамақпен қамтамасыз етілді. 
• «Жалпыға бірдей білім беру қоры қаражатынан» ыстық тамақпен қамтылатын оқушылар тізіміне мектеп директорының 1 қыркүйек 2021 жылы №88-ө бұйрығымен өзгерістер енгізіліп, бекітілді. 

Интернат тәрбиеленушілерінен ыстық тамақпен қамтылған оқушылар тізімі

• «Жалпыға бірдей білім беру қоры қаражатының есебінен киіммен қамтылатын оқушылар» тізіміне  мектеп директорының 1 қыркүйек 2021 жылы №122-ө бұйрығымен өзгерістер енгізіліп, бекітілді. 

1. Интернат тәрбиеленушілерінен материалдық көмекпен қамтылған оқушылар тізімі

ЖБМОББ қоры қаражатынан «Жаз -2021»-де шілде айында «Шағала» Көктұма сауықтыру лагерінде әлеуметтік жағдайы төмен, көп балалы   отбасылардан 9б сынып оқушысы Аманкелді  Ақтолқын Асанқызы, 8 сынып оқушылары Сүттібай Құралай Досанқызы,  Бейсен Балауса , 9б сынып оқушысы Белгібек Дана, математика пәнінен дарынды оқушы ретінде 9а сынып оқушысы Меңғали Мақсат Асланұлы, тілдік лагерге 6б сынып оқушысы Аманкелді Ақтолқын Асанқызы және  9а сынып оқушысы Қуанышқызы Нұрай-"Балдәурен-Қапшағайға" барып демалып келді. Барлығы 8 оқушы жазғы сауықтыру лагерлерінде демалысты болып келді. 

Қазақстан Республикасы Президентінің 2013 жылғы 1 наурыздағы № 3827  Жарлығына сәйкес қыркүйектің  екінші жексенбісі «Отбасы күні» болып белгіленуіне байланысты, мектеп директорының  06.09.2021 жыл   №133-ө «Отбасы-рухани жаңғыру негізі» тақырыбында апталық өткізу туралы  бұйрығы шығарылып,  іс-шаралар  жоспары бекітілді.

6 қыркүйек  күні  6-14 қыркүйек арлығында  «Отбасы-рухани жаңғыру негізі» тақырыбындағы мектепішілік апталықтың өтетіні жайлы  және  іс-шара   жоспарымен  мектеп оқушылары таныстырылды.   

Апталық аясында бастауыш сыныптарда «Отан отбасынан басталады»  тақырыбында сынып сағаттары, 5-8 сыныптарда «Отбасым менің қуатым» тақырыбында дөңгелек үстелдер, 9-11 сынып оқушылары мен ата-аналардың қатысуымен «Ата-анам және мен»   пікірталас алаңдары өткізілді.

10.09 күні дене шынықтыру пәні мұғалімдері Е.Ө.Нусипов, Е.М.Ахатаев, С.Е.Бекбосыновтардың ұйымдастыруымен «Әкем, шешем және мен», «Толағай» тақырыптарында спорттық  ойын түрлерінен сайыстар  өткізілді. Сайысқа ауыл тұрғындарынан Оралхановтар жанұясы, Айдаболовтар отбасы, Қасымбековтар отбасы қатысып өз өнерлерін көрсетті.

Бағдарлама бойынша:

1. Эстафета 4х10
2. Эстафета «Жеміс-жидек теру»
3. Арқан тартыс
4. Себетке доп тастау
5. Өнер сайысы

Сайыс бойынша әр отбасы өз өнерлерін үлкен жетістіктермен көрсете отырып, 25 ұпай жинап І жүлделі орынды Айдаболовтар отбасы жеңіп алып, қалған 2,3 орындарды Қасымбековтар отбасы және Оралхановтар  отбасы өзара бөлісті.

Апталық барысында сынып жетекшілердің ұйымдастыруымен мектеп оқушылары және мектеп ұстаздарының арасында «Менің отбасым», «Мен отбасымды мақтан тұтамын» тақырыптарда фото конкурс   ұйымдастырылды.  

Сонымен қатар «Жас ұлан» ББҰ ұйымдастыруымен апталық барысында «Отбасы – бақыт мекені» тақырыбында онлайн мерекелік   кеш  өткізілді:

1. Мектептің жас ақындарының жыр шумақтары
2. Әншілердің өнері 
3. Плакаттар байқауы өткізіліп, оқушылар өз өнерлерін көрсетті. 

 «Отбасы – бақыт мекені» республикалық апталық бойынша ұйымдастырылған шаралар туралы ақпараттар  әлеуметтік желілерде жарияланды.

5. Бағыты: Еңбек, экономикалық  және  экологиялық   тәрбие

Қазан айының 27-28 күндері аралығында   «Күз-береке, молшылық» тақырыбында   алтын күз  мерекесін  өткізілді. 

27 қазан  күні сағат 15⁰⁰-де 8-11 сыныптар арасында  «Алтын күз» мерекелік кеші өтті. Кештің бағдарламасында:  

1. «Өнерлінің өрісі кең» топтың өнері (жайдарман, ән, би, көркем сөз оқу, өз шығармашылығы және т.б)
2. Қызықты ойын
3. Күзгі вальс. 

Оқушылар белсенді  қатынасып, жоғары дәрежеде өтті. 

28 қазан күні сағат 14⁰⁰-де МАД, 1-4 сыныптар арасында «Күз-береке, молшылық» тақырыбында мерекесі өтті. Қатынасқан МАД,  1-4  сыныптардың ата-аналары, сынып оқушылары өте белсендіи қатынасты.  Мерекенің  бағдарламасында: 

1. «Біз біргеміз» топты таныстыру
2. «Өлең сөздің патшасы» өлең жол шумақтары
3. «Күз көркі» сән үлгісі
4. «Өнерлі өрге жүзер» өнер сайысы
5. Ханзада мен ханшайым.

Кеш қорытындысы бойынша, МАД сыныбының оқушылары   Жеңісқызы Айдай мен Сердалы Ернар «Күз ханшайымы мен ханзадасы» атағын жеңіп алды. 1-4 сынып оқушылары арасынан 2 сынып оқушысы  Жандарбек Томирис  «күз ханшайымы» атағын, 3 сынып оқушысы Мүтән Айдын   «күз ханзадасы» атағын жеңіп алды.

Сыныптар бойынша «Ең өнерлі» топ номинациясын 1 сынып, «Шығармашыл» топ номинациясын 2 сынып, «әншілер» тобы  номинациясын 3 сынып, «Білімділер» тобы номинациясын  4 сынып иеленді.

 

М.Әубәкіров атындағы орта мектебі бойынша мектептің оқу тәрбие жоспарына сәйкес мектеп директорының   07.10.2021  жыл  № 150-ө   « Ұстаздар күні « мерекесіне орай  оқушылар арасында "Өзін-өзі  басқару"  күнін өткізу туралы   бұйрығы шығарылып, 28.09-5.10 аралығында «Ұстаз аты-мәңгілік» тақырыбындағы мектепішілік апталықты ұйымдастыру үшін мектепішілік іс-шаралар  жоспары құрылып, бекітілді. Іс-шара жоспары сынып жетекшілер мен оқушыларға таныстырылды.

Жоспарға сәйкес апталық барысында «Ұстаз-аты  мәңгілік»   тақырыбында 1-11 сыныптар арасында ашық тәрбие сағаттары өткізіліп,  1-11 сынып оқушылары   ұстаздар  мерекесіне арналған құттықтау қабырға газеттері шығарылып ілінді.

Апталық аясында ұстаздар күні мерекесіне орай «Ұстаз аты-мәңгілік» тақырыбында 1-11 сыныптар арасында сынып сағаттары өткізілді. Сонымен қатар, «Жас Ұлан ББҰ-ның» мүшелері мектептегі ұстаздар қауымын өз қолдарымен жасаған түрлі-түсті гүлдер мен құттықтау қағаздарымен құттықтады. Сынып сағаттары барысында түсірілген видео сабақтар мен құттықтаулар әлеуметтік желілерге жүктелінді.

Апталық барысында мектебіміздің жас ұстаздары тарапынан «Мамандығым-мақтанышым» тақырыбында мерекелік челленджін ұйымдастырып, челлендж барысында түсірілген құттықтау видеолар әлеуметтік желілерге жүктелінді және «Алакөл тәрбие» ортақ ватсабына жіберілді.

Сондай-ақ, 11 сынып бітіруші түлектер мен 1-10 сынып оқушыларының және сынып жетекшілерінің ұйымдастырумен «Ұстаз аты-мәңгілік» және «Ұстазым-ұлағатым, үлгі өнегем» тақырыбтарында мектеп ұстаздары мен зейнеткер ұстаздарды құттықтау мақсатында интернет желілері арқылы мерекелік концерт ұйымдастырылды. Ұйымдастырылған концерт мектеп ұстаздарының ортақ ватсабына және зейнеткер ұстаздардың да жеке ватсаптарына жүктелінді. Қарт ұстаздар оқушылардың ұйымдастырған құттықтауларына алғыстарын білдірді.  

М.Әубәкіров атындағы орта мектебі бойынша мектептің оқу тәрбие жоспарына сәйкес 28.09-5.10 аралығында ұйымдастырылған «Ұстаз аты-мәңгілік» тақырыбындағы мектепішілік апталық уақытында және өз дәрежесінде өткізілді.   

7. Бағыты: Зияткерлік тәрбие, ақпараттық мәдениетті тәрбиелеу

Оқушылардың   командада жұмыс істеу дағдысын қалыптастыруға, қарама-қарсы пікірге құрметпен қарауға, өз көзқарастары мен пікірлерін белсенді қорғауға үйрету мақсатында мектебімізде оқушылардың «Дебат» қозғалысы  жалпы ұлттық мәдени-білім беру жобасы қолға алынып, жоба жетекшісіне педагог ұйымдастырушы, тарих пәнінің мұғалімі Ш.Б.Оралханов пен тарих пәнінің мұғалімі Г.Қ.Байкеловалар бекітілді. 10-11 сынып оқушыларынан командалар іріктеліп алынып, дайындық жұмыстары  жүргізілуде. 

1. Бағыты: дене тәрбиесі, салауатты өмір салты

Мектеп оқушыларын спорттық үйірме, секцияларға тарту жұмыстары жүргізілді. Мектеп бойынша мектеп директорының  01.09.2021 жылы №76-ө  «Үйірме  сағаттарды   бөлу туралы» бұйрығы шығарылып, 8 сағат ақылы негізде  үйірме сағаттары беріліп, жүйелі жұмыстар  жүргізілуде. 

Төмендегі мұғалімдерге үйірме сағаттары бөлініп берілді:   

1. 5сыныпқа «Көркем оқу»  тақырыбында үйірме . Жетекшісі  А.Б.Иманбекова   аптасына 1 сағат, 18 оқушы қамтылды. 
2. 6а сыныбына «3Д модельдеу» тақырыбында  үйірме . Жетекшісі А.М.Мұсанов аптасына 1 сағат, 15 оқушы қамтылды
3. 6б сыныбына «Робот техникасы» тақырыбында үйірме . Жетекшісі Л.С.Абзолдаева , аптасына 1 сағат , 15 оқушы қамтылды 
4. 7а сыныбына  «Домбыра» үйірмесі. Жетекшісі Б.Омарғазинова, аптасына 1 сағат, 20 оқушы қамтылды
5. 7б сыныбына  «Домбыра» үйірмесі. Жетекшісі Б.Омарғазинова, аптасына 1 сағат, 20 оқушы қамтылды
6. 8 сыныбына  «Биология және денсаулық» үйірмесі. Жетекшісі А.Н.Аубакирова, аптасына 1 сағат, 20 оқушы қамтылды
7. 9а сыныбына  «Химия және қоршағант орта» үйірмесі. Жетекшісі А.Н.Аубакирова, аптасына 1 сағат, 20 оқушы қамтылды
8. 9б сыныбына  «Химия және қоршағант орта» үйірмесі. Жетекшісі А.Н.Аубакирова, аптасына 1 сағат, 15 оқушы қамтылды
9. Қосымша «Бокс» үйірмесі. Үйірме жетекшісі Мұқанов Арай Елубаевич, аптасына 3 сағат. , 20 оқушы қамтылды

Барлығы мектеп бойынша 5-9 сыныптар арасында 163 оқушы әртүрлі   үйірмелерге қатынасады. Бұл   мектеп оқушыларының  68%-ын құрайды. 

Директордың тәрбие ісі жөніндегі орынбасары:                           Е.Ш.Окпебаев