Нусупова Гүлнар Қасымбайқызы
Нусупова Гүлнар Қасымбайқызы 1962 жылы Екпінді ауылында дүниеге келген.1968 жылы Екпінді орта мектебінің 1- ші сыныбына қабылданып, 1978 жылы мектепті үздік бітіріп шықты. 1978 жылы Қазақтың Абай атындағы педагогикалық институтының физика бөліміне оқуға түсіп, 1982 жылы жоғарғы оқу орнын бітіріп, еңбек жолын өзінің туған Екпінді ауылындағы Екпінді орта мектебінен бастады, бүгінгі таңда Мәлгеждар Әубәкіров атындағы орта мектебінде 40 жылға жуық уақыт ұстаздық қызметк етіп келеді.1982-2000 жылдары осы мектепте физика пәнінің мұғалімі, 2000-2010 жылдары директордың тәрбие жөніндегі орынбасары қызметін атқарды. 2012 жылдан бастап мектеп директоры қызметін атқарып келеді. Гүлнар Қасымбайқызының ұстаздық жолында шығармашылық және білім беру жүйесін жетілдіру аясында жеткен жетістіктері орасан зор. 2016 жылы Қазақстан Республикасы жалпы білім беру ұйымдары басшыларының біліктілігін арттыру бағдарламасы бойынша 9 айлық курсты аяқтаған.
Гүлнар Қасымбайқызы басқарып отырған М.Әубәкіров мектебі болашақ ұрпақты тәрбиелеуде үлкен жетістіктерге қол жеткізді.Мектептің мектеп жанындағы интернаттың материалдық- техникалық базасы жаңартылып , жаңа модификациялық STEM кабинеттермен жабдықталып, жаңа үлгідегі кітапханамен толықтырылды.Мектеп басшысы ретінде Республикалық басылымдарда бірнеше мақалалары жарық көрген Елеулі еңбегінің нәтижесінде Қазақстан Республикасы Білім және Ғылым министірінің құрмет грамотасымен "Алматы облысының кәсіподақтар орталығы" аумағының кәсіподақтар бірлестігінің Құрмет грамотасымен марапатталған.
М.Әубәкіров мектебі " Үздік ауыл мектебі" байқауында жүлделі орын иеленіп, 2020-2021 оқу жылының рейтинігінің қорытындысы бойынша жоғары көрсеткішке жетіп, жүлделі ІІІ орын алып, Алғыс хатпен марапатталды.
2020-2021 оқу жылында мектеп бітіруші 28 түлектердің алтауы "Алтын белгі" иегері атанды.
Гүлнар Қасымбайқызы 2021 жылы білім саласындағы көп жылғы еңбегі бағаланып, "Ерен еңбегі" медалінің иегері атанды.